Dhandhanggula
Kang ginadhang wus tumekèng wanci/
Umat ing Paroki Pringgolayan/
Paulus pangayomané/
Samangké sampun rampung/
Memangun Padaleman Gusti/
Tandya ambudidaya/
Kawula sawegung/
Suku bau bandha donya/
Akèh pekolèh sethithik tan tinampik/
Sakyeg saéka praya//
Wusnya purna nyuwun berkah Gusti/
Kawanlikur Agustus rinira/
Dinten Setu Pon napaké/
Kalihèwu patlikur/
Lantaran wakil dalem Gusti/
Uskup Agung Semarang/
Monsinyur Robertus/
Sinengkuyung sagung umat/
Anoraga atur panuwun mring Gusti/
Dadia sumber berkah//
Kang wigati Pasamuwan Suci/
Wewangunan wadhag mung sarana/
Nanging gedhé paédahé/
Ana kang luwih luhur/
Sabda Gusti saya hambumi/
Nyata sarta rinasa/
Titah Dalem sagung/
Yekti mbabar kabungahan/
Wonten donya sayekti kados ing Swargi/
Gusti kang linuhurna//
Sor Blimbing, 24082024
Anton Suparnjo
