Megatruh
- Megap-megap arsa pegat napas ulun/
Mungsuh covid nyangga urip/
Jaréné nampa bebantu/
Saka bandhaning negari/
Jebulé ana sing mbadhog// - Macan ora bakal nguntal gogoripun/
Mentri iki tanpa ati/
Sinauné mudha punggung/
Nggaglak rejeki wong cilik/
Raimu tan béda bokong// - Andel kula anamung pangarsanipun/
Tonto kang ulah negari/
Suprih mbeg paramarta gung/
Parandéné prastawéki/
Nyolok ati kaya sato//
Sor Blimbing, Dhité Umanis,
Sor Blimbing, 06122020
Ki Sandinama
