Dhandhanggula
- Mrih manis Rama Iswarahadi/
Kang mèngeti sugeng hamihara/
Nèng madyaning brayat S.J/
Lumampah laminipun/
Tangkepé kawandasa warsi/
Nggènnya lelana brata/
Ngabdi Gustinipun/
Mbangun turut wadat mlarat/
Prasetyané kanggo ing salami-lami/
Mrih Sabda mbumi nata// - Kalanipun gangsal welas Juli/
Datan anengga hambuka nala/
Tinampi ing brayat S.J/
Punika purwanipun/
Haninthingi timbalan Gusti/
Panggih tigas kawuryan/
Jinebadan sampun/
Imam tigang dasa warsa/
Jangkepipun sumpah lan prasetya akhir/
Sangalas sanga lima// - Kerig lampit donga mbanyu mili/
Sesarengan sagung Pasamuan/
Sudarma lan seduluré/
Tetepa setya tuhu/
Purwa madya tumekèng lalis/
Suméndhé Astanira/
Gusti ingkang njangkung/
Dadya kabar kabungahan/
Nggerji dhèdhèl remuk rempuning sujanmi/
Ing salumah buwana// - Suprih pana nami kang sinandi/
Paran sapa aran Sandinama/
Nyobi nitèni sekaré/
Samangké papanipun/
Kawaosa purwanirèki/
Ngaléla saben gatra/
Yoga kluyar-kluyur/
Gya pinanggih namanira/
Karang bodho lepat nyuwun pangaksami/
Taler mung bocah désa//
Katrangan:
datan = 0, anengga = 8, hambuka = 9, nala = 1. Surya sengkala angka tahun 1980 Masèhi
Sor Blimbing, 22072020
Ki Sandinama
Iki tautan videone:
