Dhandhanggula
- 1. Nggadhang tedhak dalem Hyang Roh Suci/
- Nganggo lampah laku sangang dina/
- Donga Novéna arané/
- Ngrantu sih dalem pitu/
- Wicaksana kang angka siji/
- Kapindho pangertosan/
- Telu Roh Pitutur,
- Kaping pat Roh Kasantosan/
- Lima gesang suci nem pana mring Gusti/
- Ajrih Gusti kang sapta//
- . 2. Gya rawuha Roh kang tuhu Suci/
- Angèbeki manah sagung umat/
- Ngobarké latu tresnané/
- Kautusa Roh wau/
- Sanalika sabarang kalir/
- Kabèh bali cinipta/
- Sarta lajengipun/
- Gusti ngénggalaken donya/
- Mangga munjuk wonten Ngarsa Dalem Gusti/
- Hangridha lumah asta//
- 3. Gusti Rama ingkang Maha Suci/
- Ingkang paring pepadhang mring umat/
- gagem Roh Suci sunaré/
- Mugi paring mring ulun/
- Istingarah ing Roh kang suci/
- Nalar kang wicaksana/
- Madyèng teleng kalbu/
- Sarta manah kang gambira/
- Amba nyuwun lantaran Sang Kristus Gusti/
- Kang murba bumi lana//
Sumber inspirasi:
- Doa Penerangan Roh Kudus
- Puji Syukur nomer 147
- Sor Blimbing, Riyaya Mekrad Dalem,
- 30052019
Ki Sandinama
