Asmaradana
1. Nusantara ngasmarani,
Suka bangsa néka warna,
Basa sarta budayané,
Kayata kadang Pecinan,
Sampun manjing sabangsa,
Tan paé manunggal sampun,
Sinengkuyung sanegara.
2. Tuladhané warni-warni,
Tahun anèng Nusantara,
Kadang Cina tahun Imlèk,
Muslim warsané Hijriyah,
Jawi setunggal Suro(a),
Masèhi sedaya ngenut,
Sangsayéndah Nusantara.
3. Nadyan agami tan sami,
Ywa dadi pawadan congkrah,
Yèn congkrah bubrah dadiné,
Nyawanga kaca benggala,
Rusakira negara,
Ora untung malah buntung,
Rukun agawé sentosa.
4. Kidung punika rinakit,
Boten badhe cumanthaka,
Aniru pujangga kaé,
Kadereng osiking nala,
Ngajap tentrem negara,
Boten wonten sanèsipun,
Pinayungan Hyang Ma Nasa.
Sor Blimbing, 06022019
Ki Sandinama
