Dhandhangula
- Kang ginadhang pèngetanirèki/
Makaryané anèng Nusantara/
Tarékat Bruder FIC/
Kang jangkep satus tahun/
Datan mangro malbèng negari/
Iku sengkalanira/
Ariné rongpuluh/
Sasi sanga lumaksana/
Wiwitira Ngayogyakarta ing nguni/
Nèng jagat pawiyatan// - Tan kaétang putra-putri nagri/
Kang ginulang bruder duk semana/
Sarta dumugi samangké/
Wonten Pangudi Luhur/
Kuncung nganti gelung puniki/
Tan ical lenging driya/
Matur nuwunipun/
Ngarsa Bruder para dwija/
Lestaria pakaryan kang luhur iki/
Mrih Sabda mbumi nata// - ANdelira hanyarkara wani/
TONto saking bruder sugengira/
SUmimpen wonten batiné/
PARandéné tan gaduk/
NYObi kidung pèngetan iki/
MARdawa kajengira/
TObat kirang jumbuh/
SAglugut pinara sapta/
PARipaksa nggempil bingah lahir batin/
JOmbla bingah ing nala//
Sor Blimbing, 26092020
Ki Sandinama
Katrangan:
Datan = 0
Mangro= 2
Malbèng= 9
Negari= 1
Kawaos saking wingking th 1920 M
