Kidung Haryasmara MSF Pèngetan 40 Taon Gesang Mihara

Sinom

1. Kalané nom winisuda,
   Asmané timur Suradi,
   Nenggih Rama Haryasmara,
   Gesang mihara miwiti,
   Sumpah setya mring Gusti,
   Wadat mlarat mbangun turut,
   M.S.F. warganira,
   Kaping kalih likur Juli,
   Sengkalané “datan nengga mbuka nala”.
2. Jangkep kawandasa warsa,
   Pasrah dhiri Ngarsa Gusti,
   Tinebihna ing sengkala,
   Mbabar kabar Sabda Gusti,
   Dadya tandha sejati,
   Gusti kang sanyata rawuh,
   Pasamuan ngrembaka,
   Mrih tan kemba ngabdi Gusti,
   Hamemayu Sabda Gusti mbumi nata.
3. RAmpak kerig donganira,
   MAmayu lampahirèki,
   HAnggegem sumpah prasetya,
   RIsang Rama Dalem Gusti,
   ASta dadya piranti,
   MAsuh sukma malanipun,
   RArasa tan rubéda,
   MENGker karsané pribadi,
   NGGERji gesang nambal remuk rempu sukma.

Katrangan:
Datan= 0; Nengga= 8; Mbuka = 9 Nala = 1
Tahun 1980 Masèhi
Sor Blimbing, 22072020
Ingkang mangayubagya
Kulawarga SMP Klepu ’67