Gambuh
Campuh lan durung jumbuh/
Paugeran cipta karyanipun/
Mahanani dahuru kanan lan kering/
Saya tambah seling surup/
Dadiné kisruh padudon//
Émané caranipun/
Ngarubiru balilu lan wuru/
Tan angétang tundhonira yèn berdondi/
Wong cilik sangsaya buntung/
Sinten ingkang badhé nggantos//
Ana rembug dirembug/
Akèh cara ingkang luwih santun/
Ora rusuh dadi dredah aja nganti/
Langkung kathah tunanipun/
Mung gawé kekesing raos//
Andelmu waton rubung/
Tontonen corona durung rampung/
Suprandéné nékadmu kepati-pati/
Paran apa wus kokétung/
Nyoba semèleh ing batos//
Sor Blimbing, 08102020
Ki Sandinama
