Durma
- Anetepi labuh darmanira réna/
Ibu Maria Dèwi/
Sapta sungkawanya/
Ngemban Ibu Pamarta/
Kala Siméon pinanggih/
Iku kapisan/
Pindho ngungnsi myang Mesir// - Ingkang kaping tri kecalan Putranira/
Ing Pedaleman Suci/
Déné kang kaping pat/
Pinanggya lan Sang Putra/
Manggul Salib myang Kalvari/
Kang kaping gangsal/
Jumeneng ngandhap Salib// - Dèrèng purna sungkawa Dèwi Maria/
Ingkang kaping sad nenggih/
Mangku layonira/
Ontang-anting kang Putra/
Semantena dèrèng tapis/
Kang kaping sapta/
Gesang nandhang prihatin//
Sor Blimbing, 15092020
Pengetan sungkawa Dalem Ibu Maria
Ki Sandinama
